दोहा :
श्रीगुरु चरन सरोज रज, निज मनु मुकुरु सुधारि।
बरनऊं रघुबर बिमल जसु, जो दायकु फल चारि।।
बुद्धिहीन तनु जानिके, सुमिरौं पवन-कुमार।
बल बुद्धि बिद्या देहु मोहिं, हरहु कलेस बिकार।।
चौपाई :
जय हनुमान ज्ञान गुन सागर।
जय कपीस तिहुं लोक उजागर।।
रामदूत अतुलित बल धामा।
अंजनि-पुत्र पवनसुत नामा।।
महाबीर बिक्रम बजरंगी।
कुमति निवार सुमति के संगी।।
कंचन बरन बिराज सुबेसा।
कानन कुंडल कुंचित केसा।।
हाथ बज्र औ ध्वजा बिराजै।
कांधे मूंज जनेऊ साजै।
संकर सुवन केसरीनंदन।
तेज प्रताप महा जग बन्दन।।
विद्यावान गुनी अति चातुर।
राम काज करिबे को आतुर।।
प्रभु चरित्र सुनिबे को रसिया।
राम लखन सीता मन बसिया।।
सूक्ष्म रूप धरि सियहिं दिखावा।
बिकट रूप धरि लंक जरावा।।
भीम रूप धरि असुर संहारे।
रामचंद्र के काज संवारे।।
लाय सजीवन लखन जियाये।
श्रीरघुबीर हरषि उर लाये।।
रघुपति कीन्ही बहुत बड़ाई।
तुम मम प्रिय भरतहि सम भाई।।
सहस बदन तुम्हरो जस गावैं।
अस कहि श्रीपति कंठ लगावैं।।
सनकादिक ब्रह्मादि मुनीसा।
नारद सारद सहित अहीसा।।
जम कुबेर दिगपाल जहां ते।
कबि कोबिद कहि सके कहां ते।।
तुम उपकार सुग्रीवहिं कीन्हा।
राम मिलाय राज पद दीन्हा।।
तुम्हरो मंत्र बिभीषन माना।
लंकेस्वर भए सब जग जाना।।
जुग सहस्र जोजन पर भानू।
लील्यो ताहि मधुर फल जानू।।
प्रभु मुद्रिका मेलि मुख माहीं।
जलधि लांघि गये अचरज नाहीं।।
दुर्गम काज जगत के जेते।
सुगम अनुग्रह तुम्हरे तेते।।
राम दुआरे तुम रखवारे।
होत न आज्ञा बिनु पैसारे।।
सब सुख लहै तुम्हारी सरना।
तुम रक्षक काहू को डर ना।।
आपन तेज सम्हारो आपै।
तीनों लोक हांक तें कांपै।।
भूत पिसाच निकट नहिं आवै।
महाबीर जब नाम सुनावै।।
नासै रोग हरै सब पीरा।
जपत निरंतर हनुमत बीरा।।
संकट तें हनुमान छुड़ावै।
मन क्रम बचन ध्यान जो लावै।।
सब पर राम तपस्वी राजा।
तिन के काज सकल तुम साजा।
और मनोरथ जो कोई लावै।
सोइ अमित जीवन फल पावै।।
चारों जुग परताप तुम्हारा।
है परसिद्ध जगत उजियारा।।
साधु-संत के तुम रखवारे।
असुर निकंदन राम दुलारे।।
अष्ट सिद्धि नौ निधि के दाता।
अस बर दीन जानकी माता।।
राम रसायन तुम्हरे पासा।
सदा रहो रघुपति के दासा।।
तुम्हरे भजन राम को पावै।
जनम-जनम के दुख बिसरावै।।
अन्तकाल रघुबर पुर जाई।
जहां जन्म हरि-भक्त कहाई।।
और देवता चित्त न धरई।
हनुमत सेइ सर्ब सुख करई।।
संकट कटै मिटै सब पीरा।
जो सुमिरै हनुमत बलबीरा।।
जै जै जै हनुमान गोसाईं।
कृपा करहु गुरुदेव की नाईं।।
जो सत बार पाठ कर कोई।
छूटहि बंदि महा सुख होई।।
जो यह पढ़ै हनुमान चालीसा।
होय सिद्धि साखी गौरीसा।।
तुलसीदास सदा हरि चेरा।
कीजै नाथ हृदय मंह डेरा।।
दोहा :
पवन तनय संकट हरन, मंगल मूरति रूप।
राम लखन सीता सहित, हृदय बसहु सुर भूप।।
| | DOHA | |
Shreeguru charan saroj raj,
Nij manu mukuroo sudhaari |
Barnaoon raghubar vimal jasu,
Jo dayak fal chaari | |
Buddhiheen tanu jaan ke,
Sumiron pawan-kumar |
Bal buddhi vidhya dehu mohin,
Harhu kales vikaar | |
Chopayi
Jai hanuman gyan gun saagar,
Jai kapees tinhu lok ujaagar | |
Ram doot atoolit bal dhaama,
Anjani-putra pawansut naama | |
Mahaveer vikram bajaranti,
Kumti nivaar sumti ke sangi | |
Kanchan baran biraaj subesaa,
Kaanan kundal kunchit kesa | |
Haath vraj O dhwaja biraaje,
Kaandhe moonj janeu saaje | |
Shankar suvan kesrinandan,
Tej prataap maha jag bandan | |
Vidhyavaan guni ati chaatur,
Raam kaaj karibe ko aatur | |
Prabhu charitra sunibe ko rasiya,
Ram lakhan sita man basiya | |
Sukshm roop dhari siyanhi dikhaava,
Vikat roop dhari lank jaraava | |
Bheem roop dhari asur sanhaare,
Raamchandra ke kaaj sanwaare | |
Laaye sanjeevan lakhan jiyaaye,
Shree raghubeer harshi ur laaye | |
Raghupati kinhi bahut badaayi,
Tum mum priye bharathi sam bhaai | |
Sesah badan tumharo yas gaave,
As kahi shreepati kanth lagaave | |
Sankaadik brahamaadi munisaa,
Naarad saarad sahit aheesa | |
Jam kuber digpal jahaan te,
Kabi kobid kahi sake kahaan te | |
Tum upkaar sugrivhin keenha,
Ram milaay raj pad deenha | |
Tumhro mantra vibheeshan maana,
Lankeshwar bhaye sab jag jaana | |
Jug sahsra jojan par bhaanu,
Leelyo taahi madhur phal jaanoo | |
Prabhu mudrika meli mukh maahi,
Jaldhi laanghi gaye acharaj naahi | |
Durgam kaaj jagat ke jete,
Sugam anugarah tumhre tete | |
Ram dulaare tum rakhwaare,
Haut naa aagya binu paisaare | |
Sab sukh lahai tumhaari sarnaa,
Tum rakshak kaahoo ko dar naa | |
Aapan tej samharo aape,
Teeno lok haank te kaanpe | |
Bhoot pishaach nikat nahi aave,
Mahaveer jab naam sunaave | |
Naase rog harai sab peera,
Japat nirantar hanumat beera | |
Sankat te hanuman chhudaave,
Man kram bachan dhyaan jo laave | |
Sab par ram tapasvi raaja,
Tin ke kaaj sakal tum saaja | |
Aur manorath jo koi laave,
Soi amit jeevan phal paave | |
Charo jug partaap tumhara,
Hai parsiddh jagat ujiyaara | |
Sadhu sant ke tum rakhwaare,
Asur nikandan ram dulaare | |
Ashtsiddhi nau nidhi ke daata,
As var deen jaanki mata | |
Ram rasaayan tumhre paasa,
Sada raho raghuati ke daasa | |
Tumhre bhajan ram ko paave,
Janam janam ke dukh bisraave | |
Ant kaal raghupati pur jaayi,
Jahaan janam haribhakt kahaayi | |
Aur devta chitt naa dharayi,
Hanumat sei sarv sukh karayi | |
Sankat katai mitai sab peera,
Jo sumerai hanumat balbeera | |
Jai jai jai hanuman gosaayi,
Kripa karhu gurudev ki naayi | |
Jo sat baar paath kar koi,
Chhootahi bandi maha sukh hoyi | |
Jo yeh pade hanuman chalisa,
Hoy siddhi saakhi gaurisa | |
Tulsidas sada hari chera,
Keejai nath hridya manh deraa | |
Doha
Pawantanay Sankat Haran Mangal Moorti Roop |
Ram Lakhan Seeta Sahit Hridya Bashu Sur Bhoop | |
0 comments: